عاجل - نجم منتخب مصر يعلن اعتزاله اللعب الدولي
بوابة إفريقيا الرياضيةأعلن الدولي المصري عبد الله السعيد لاعب منتخب مصر ونادي بيراميدز ، اعتزاله اللعب الدولي بعد مسيرة استمرت على مدار السنوات العشرة الماضية .
وبحسب بيان رسمي صادر عن اللاعب: "فى البداية كنت اتمنى ان نرجع بالكاس عشان نفرح كل الناس بعد المشوار الطويل فى البطولة لكن قدر الله وما شاء فعل .. الحمدلله تشرفت بارتداء تيشرت منتخب مصر وتمثيل بلدى لسنين طويله فى كل المراحل السنية ناشئين وشباب لحد ما وصلت للمنتخب الاول" .
وأضاف: "اشكر كل الاجهزة الفنية والادارية واللاعبين اللى تشرفت بالعمل معاهم فى كل المراحل ، والنهارده اعلن اعتزالى اللعب الدولى مع منتخب مصر الاول بعد كل هذه السنين اللى اتشرفت فيها بتمثيل بلدى مصر" .
وزاد: "قرار كنت محضره من قبل البطوله وكنت اتمنى ان نكون ابطالها عشان تكون افضل ختام لمشوارى الدولى لكن الحمدلله على كل حال" .
وأتم صانع ألعاب الأهلي المصري السابق وبيراميدز الحالي: "وفى النهايه كل التوفيق لاخواتى اللاعبين والجهاز الفنى الفترة المهمة الجايه وان شاء الله نتأهل لكأس العالم" .